மாநாடு 07 October 2025
தஞ்சாவூர் புதிய பேருந்து நிலையம் உள்ளிட்ட பல்வேறு பகுதிகளிலும் சாலைகள் ஆக்கிரமிப்பு நாள்தோறும் பல்கி பெருகி வருகிறது .
இதுபோன்ற ஆக்கிரமிப்புகளை அகற்ற நெறிமுறை படுத்த பல ஆண்டுகளுக்குப் பிறகு தஞ்சாவூர் மாநகராட்சி ஆணையராக
சரவணகுமார் வந்து படாத பாடுபட்டு சரி செய்து வைத்த சாலைகள் பலவும் முன்பை விட பல மடங்கு ஆக்கிரமிப்புகள் அதிகரிக்கப்பட்டுள்ளதால் பொதுமக்கள் நடைபாதையில் நடக்க முடியாமல் சாலையின் நடுவில் நடக்க வேண்டிய அவல நிலை ஏற்படுகிறது
அதிலும் மாடுகளும், நாய்களும் எங்கும் நிறைந்து இருப்பதால் விபத்துகளும் நடைபெற்று வருவது வாடிக்கையாக்கிவிட்டது வேடிக்கை பார்க்கும் மாநகராட்சி அலுவலர்கள்
இனியாவது தடுக்க வேண்டும் இதற்கு முன்னெடுப்பாக சென்னை மாநகராட்சியில் ஆக்கிரமிப்பு அகற்றம் பற்றி வழிகாட்டு நெறிமுறைகளை வெளியிட்டு இருக்கிறது
அதனை கடைப்பிடித்தாவது தஞ்சாவூர் மாநகராட்சி அலுவலர்கள் செயல்பட வேண்டும் செய்வார்களா என்பதை பார்ப்போம் சென்னையில் வெளியிட்டுள்ள வழிகாட்டு நெறிமுறைகள் கீழ்க்கண்டவாறு:
சென்னை சாலைகளில் கடைகள் , கட்டடங்கள் போன்ற ஆக்கிரமிப்புகள் மூலம் மக்கள் பயன்படுத்தும் நடைபாதைகள் ஆக்கிரமிக்கப்படுகின்றன. இதனால் பாதசாரிகள் குறிப்பாக மாணவர்கள் மற்றும் மாற்றுத்திறனாளிகள், சாலைகளில் நடக்க வேண்டிய கட்டாயத்தில் உள்ளனர். இதனால் போக்குவரத்திற்கு இடையூறு மற்றும் அடிக்கடி விபத்துகள் ஏற்படுகிறது. இந்த ஆக்கிரமிப்புகளை அகற்ற சென்னை மாநகராட்சி
சாலையில் வியாபாரத்திற்கு ஒதுக்கப்பட்ட பகுதிகளை தவிர்த்து, நடைபாதைகளில் உள்ள அனைத்து ஆக்கிரமிப்பு இடங்களையும், சம்பந்தப்பட்ட பிரிவின் உதவி பொறியாளர்கள் கணக்கெடுக்க வேண்டும்.
இந்த கணக்கெடுப்பு மண்டல வாரியாக தயாரிக்கப்பட்டு, உதவிச் செயற்பொறியாளர்கள் மூலம் மண்டல அதிகாரிக்கு தெரிவிக்கப்பட வேண்டும். இது ஆக்கிரமிப்புகளின் தீவிரத்தை மதிப்பிட உதவும்.
கணக்கெடுப்பு பணி முற்றிலும் சென்னை மாநகராட்சியின் அதிகாரப்பூர்வ செயலி (ஆப்) மூலம் மேற்கொள்ளப்பட வேண்டும். அகற்றப்பட வேண்டிய கட்டமைப்புகள் சரியாக வகைப்படுத்தப்பட வேண்டும். உதாரணமாக, நடைபாதை மீது பொருட்களை விற்கும் தற்காலிக வியாபாரிகள் (புத்தகங்கள், பொம்மைகள், செருப்புகள், காய்கறிகள், பழங்கள் போன்றவை).
தள்ளுவண்டிகளை பயன்படுத்தும் தற்காலிக வியாபாரிகள் (பூக்கள், காய்கறிகள், ஜூஸ் போன்றவை).
நிரந்தர கடைகளுக்கு முன் பரவி வைக்கப்பட்டுள்ள பொருட்கள் (மளிகைப் பொருட்கள், தளவாட சாமான்கள், பாத்திரங்கள் போன்றவை). வேறு ஏதேனும் கட்டமைப்புகள்.
இந்த வகைப்படுத்தல், அகற்றல் பணியை திறம்பட நடத்த உதவும்.
பகல் ஷிப்ட்டில் பணிபுரியும் அமலாக்கக் குழு, ஆக்கிரமிப்பு இடங்களின் இருப்பிட விவரங்களுடன் கூடிய புகைப்படங்களை செயலியில் பதிவேற்ற வேண்டும். ஆக்கிரமிப்பு அடையாளம் காணப்பட்ட மறுநாளே அகற்றும் பணி தொடங்கப்பட வேண்டும். இது தாமதங்களை தவிர்க்க உதவும்.
ஆக்கிரமிப்பாளர்களுக்கு அகற்றல் தொடர்பாக, உதவிச் செயற்பொறியாளர்கள் ஒரு நாள் முன்னதாக அறிவிப்புகள் அல்லது நோட்டீஸ்கள் வழங்க வேண்டும். இது சட்டரீதியான செயல்முறையை உறுதி செய்யும்.
பாதுகாப்பு தேவைப்பட்டால், உதவிச் செயற்பொறியாளர்கள் தங்கள் அதிகார எல்லைக்குட்பட்ட காவல் நிலையத்துடன் ஒருங்கிணைந்து செயல்பட வேண்டும். இது பணியின் சீரான நடைமுறையை உறுதிப்படுத்தும்.
குறைந்த மக்கள் தொகை கொண்ட மண்டலங்கள் (1 முதல் 3 வரை) ஒரு யூனிட் லாரி ஒதுக்கப்பட வேண்டும். அதிக மக்கள் தொகை கொண்ட மண்டலங்கள் (4 முதல் 15 வரை) ஒவ்வொரு யூனிட்டிற்கும் ஒரு யூனிட் வாகனம், ஒரு டிப்பர், ஒரு போப் கேட் ஒதுக்கப்பட வேண்டும்.
ஒவ்வொரு லாரிக்கும் 4 தொழிலாளர்கள் பணியமர்த்தப்பட வேண்டும். அசம்பாவித சம்பவங்களை தவிர்க்க அனைத்து பாதுகாப்பு நடவடிக்கைகளும் பின்பற்றப்பட வேண்டும்.
ஆக்கிரமிப்பு அகற்றல் பணிக்காக, உதவிச் செயற்பொறியாளர்கள் பின்வரும் கருவிகள் மற்றும் பாதுகாப்பு உபகரணங்களான ஹெல்மெட், ஒளிரும் ஜாக்கெட், கை உறை வழங்க வேண்டும்.
மடிக்கக்கூடிய அலுமினிய ஏணி, சுத்தியல், கடப்பாரை, கட்டிங் பிளேடு, மெட்டல் வயர் கட்டர் மற்றும் பிற கருவிகள் வைத்திருக்க வேண்டும். இவை தொழிலாளர்களின் பாதுகாப்பை உறுதி செய்யும்.
ஆக்கிரமிப்புகள் அகற்றப்பட்ட பிறகு, அதற்கு முன்னும் பின்னும் எடுக்கப்பட்ட புகைப்படங்கள் செயலியில் பதிவேற்றப்பட வேண்டும். அகற்றப்பட்ட கட்டமைப்புகள் மற்றும் பொருட்கள் கே.டி.ஜி/ பிடிஜி மையங்களில் கொட்டப்பட்டு, ரசீது பதிவு செய்யப்பட்டு சமர்ப்பிக்கப்பட வேண்டும்.
அகற்றப்பட்ட இடங்களில் மீண்டும் ஆக்கிரமிப்புகள் ஏற்படாமல் இருக்க, அமலாக்கக் குழு தொடர்ந்து கண்காணிப்பில் ஈடுபட வேண்டும். ஆக்கிரமிப்புகளை அகற்றுவதில் ஏதேனும் குறைபாடு ஏற்பட்டால், அது மிகவும் தீவிரமாகக் கருதப்படும்.
இவ்வாறு அந்த சுற்றறிக்கையில் தெரிவிக்கப்பட்டுள்ளது.
இந்த நடைமுறைகள் அமல்படுத்தப்பட்டதன் மூலம், சென்னையின் நடைபாதைகள் மீண்டும் பாதசாரிகளுக்கானது என்பதை உறுதி செய்யப்படும் என நகர மக்கள் எதிர்பார்க்கின்றனர். கடந்த சில ஆண்டுகளாக ஆக்கிரமிப்புகள் காரணமாக ஏற்பட்டுள்ள போக்குவரத்து நெரிசல் மற்றும் பாதுகாப்பு சிக்கல்கள் இப்போது குறையும் என நிபுணர்கள் கூறுகின்றனர்.
தஞ்சையில் ஆக்கிரமிப்புகளை அகற்ற மட்டும் மாநகராட்சி அலுவலர்கள் கை நீட்டினால் ஆக்கிரமிப்புகள் அகற்றப்படும் …