மாநாடு 22 February 2022
நகர்ப்புற உள்ளாட்சி தேர்தலில் விஜய் மக்கள் இயக்கம் 4 இடங்களில் வெற்றி பெற்றதாக தகவல் வெளியாகி உள்ளது.
விஜய் மக்கள் இயக்கம் ஏற்கனவே ஊரக உள்ளாட்சி தேர்தலில் களமிறங்கி 129 இடங்களைக் கைப்பற்றி தேர்தலில் முத்திரை பதித்ததாக சொல்லப்பட்டது ஆனால் அப்போது விஜயின் சார்பாக தலைமையில் இருந்து எந்தவித அறிவிப்பும் தேர்தலுக்கு முன் கொடுக்கப்படவில்லை.இப்போது தேர்தலுக்கு முன்பே விஜய்யின் படங்களையும் ,கொடிகளையும் தேர்தலுக்கு பயன்படுத்திக் கொள்ளலாம் என்று அறிக்கைவிட்டு இருந்தார்கள் அதுமட்டுமல்லாமல் மாநில அளவில் நிர்வாகிகளை அழைத்து கூட்டமும் போட்டிருந்தார்கள். இந்நிலையில் நடைபெற்ற நகர்ப்புற உள்ளாட்சி தேர்தலில் களமிறங்கியது விஜய் மக்கள் இயக்கம்.இந்த நிலையில், இதுவரை 4 பேர் வெற்றி பெற்றுள்ளதாக தெரிகிறது அவர்கள் சார்பில் இன்னும் நிறைய வேட்பாளர்கள் விஜய் மக்கள் இயக்கத்தின் சார்பாக நின்றவர்கள் வெற்றி பெற்றதாக சொல்கிறார்கள். இதன் முழு விபரம் கிடைத்ததும் வெளியிடுவோம்.
அதன்படி, புதுக்கோட்டை நகராட்சி 4-வது வார்டில் போட்டியிட்ட பர்வேஷ் முகமது வெற்றி பெற்றுள்ளார். பர்வேஷின் வெற்றி அறிவிக்கப்பட்ட உடனே, விஜய் ரசிகர்கள் டிவிட்டரில் கொண்டாடி வருகின்றனர்.
ராணிப்பேட்டை மாவட்டம் வாலாஜாபாத் நகராட்சி 3வது வார்டில் விஜய் மக்கள் இயக்கம் சார்பில் போட்டியிட்ட மோகன் ராஜ் வெற்றி பெற்றுள்ளார்.
குமாரபாளையம் நகராட்சியில் விஜய் மக்கள் இயக்கம் சார்பில் போட்டியிட்ட வேல்முருகன் வெற்றி பெற்றுள்ளார்.
திருவள்ளூர் மாவட்டம் பொன்னேரி நகராட்சி 16-வது வார்டில் போட்டியிட்ட மணிமாலா சிலம்பரசன் வெற்றி பெற்றுள்ளார்.